Joriy yilning 18 sentabridan Trastbankning “Darxon” filiali qoshida “Sayram” mini-banki o‘z ish faoliyatini boshladi.
Mazkur voqea, O‘zbekiston Respublikasi Prezidentining 2018 yil 23 martdagi “Bank xizmatlari ommabopligini oshirish bo‘yicha qo‘shimcha chora-tadbirlar to‘g‘risida”gi qarori hamda Bankning “Chakana biznesni rivojlantirish” dasturi doirasida amalga oshirilmoqda.
Bugungi kunda aholi va xo‘jalik yurituvchi sub’ektlarga bankning jami 62 ta mini-banki orqali barcha turdagi bank xizmatlari ko‘rsatilmoqda.
Xususan, Bankning “Darxon” filiali qoshida o‘z ish faoliyatini boshlagan “Sayram” mini-banki jismoniy va yuridik shaxslarga barcha turdagi bank xizmatlarini ko‘rsatishga ixtisoslashtirilgan bo‘lib, mijozlar minibank qoshidagi pul o‘tkazmalari shaxobchasi orqali «Western Union», «Kontakt», «MoneyGram», «Yunistrim», «Zolotaya korona» pul o‘tkazmalari tizimlaridan ham foydalanishlari mumkin.
Aloqa uchun manzil:
“Sayram” mini-banki: Toshkent shahri, Mirzo Ulug‘bek tumani, Sayram ko‘chasi, 43-uy. Tel: 0 (371) 267-59-41; 0 (371) 267-60-41