Davlatimiz rahbarining 2018 yil 23 martdagi “Bank xizmatlari ommabopligini oshirish bo‘yicha qo‘shimcha chora-tadbirlar to‘g‘risida”gi qarori ijrosini ta’minlash va bank iste’molchilarining huquqlarini himoya qilish mexanizmlarini yanada takomillashtirish maqsadida, “Trastbank” xususiy aksiyadorlik banki o‘z infratuzilmalari tarmog‘i va xizmatlari ko‘lamini bevosita kengaytirmoqda.
Xususan, 2019 yilning 20 martidan boshlab aholiga qulaylik yaratish maqsadida, Jizzax filialiga qarashli “Ko‘k bozor” mini-banki qoshida yangi pul o‘tkazish shoxobchasi o‘z faoliyatini boshladi.
Mazkur xalqaro pul o‘tkazmalari shoxobchasida jismoniy shaxslarga “Western Union”, “Contact”, “MoneyGram”, “Yunistrim” va “Zolotaya korona” xalqaro pul o‘tkazmalari tizimi orqali soat 9.00 dan 18.00 gacha tushlik tanaffussiz xizmat ko‘rsatiladi.
Bugungi kunda bankning pul o‘tkazmalari shoxobchalari soni 32 tani tashkil etmoqda.
“Ko‘k bozor” mini-banki qoshidagi pul o‘tkazish shoxobchasi manzili: Jizzax viloyati, Jizzax shahri, N.Qo‘shoqov ko‘chasi, 104-uy. Telefon: (0362) 222-29-90