“Trastbank” xususiy aksiyadorlik banki jamoasining muhim qadriyatlaridan biri bu jamoada sportni rivojlantirish va sog‘lom turmush tarzini shakllantirishdan iborat. Jamoadagi ma’naviy muhitni yanada yaxshilash va jamoaviy ruhni qo‘llab-quvvatlash maqsadida,“Trastbank” tizimida “Spartakiada” o‘yinlarini o‘tkazish har yilgi an’anaga aylangan. Turli sport turlari bo‘yicha doimiy ravishda o‘tkazib kelinayotgan sport musobaqalari nafaqat bank xodimlari uchun umuman jamiyat uchun ham sog‘lom turmush tarzini shakllantirishga qo‘shimcha imkoniyatlar yaratadi.
O‘zbekiston Respublikasi Prezidenti tomonidan ilgari surilgan beshta tashabbus yoshlarning ta’lim-tarbiyasi uchun qo‘shimcha shart-sharoitlar yaratishga qaratilgan. Ikkinchi tashabbus asosida ishlab chiqilgan chora-tadbirlar dasturiga asosan yoshlarni jismonan chiniqtirish va ularni sport sohasidagi qobiliyatlarini namoyon qilishlar maqsadida, “Trastbank” xususiy aksiyadorlik banki jamoasi tоmonidan “Spartakiada – 2019” sport musobaqalari o‘tkazildi.
“Trastbank” xodimlari o‘rtasida o‘tkaziladigan sport tadbirlarining maqsadi – ko‘proq “ofis” xodimlarini turli sport o‘yinlariga jalb qilish va sog‘lom turmush tarziga sodiqlikni shakllantirishdir. Bu o‘rinda alohida qayd etish lozimki, sport musobaqalarida nafaqat xodimlar, balki bank rahbariyati va tarkibiy bo‘linmalar rahbarlari ham bu borada yaxshi o‘rnak ko‘rsatishdi.
Shunday qilib, 14-15 sentabr kunlari sportning shaxmat, mini-futbol, basketbol va voleybol (erkaklar va ayollar o‘rtasida) turlari bo‘yicha o‘tkazilgan saralash o‘yinlarida Bosh ofis va filial xodimlarining samimiy ishtiroklari, bank xodimlarining ochiq havoda o‘tkaziladigan musobaqalarga bo‘lgan qiziqishini tobora kuchayib borayotganligidan dalolat beradi. 28 sentabr kuni spartakiada musobaqalarining final o‘yinlari bo‘lib o‘tishi va g‘oliblarni aniqlash rejalashtirilgan.
Sport tadbirlarida bankning barcha filiallari xodimlari faol ishtirok etdilar, bu esa bankning obro‘sini yanada mustahkamlashga yordam beradi. Saralash bosqichida har bir filial rahbari o‘z jamoalarida sportni rivojlantirishga jiddiy e’tibor qaratgani xodimlarning shijoatida yaqqol namoyon bo‘ldi. Spartakiada o‘yinlarining o‘tkazilishi – bank xodimlarining jismoniy mukammallikka intilishini tasdiqlaydi.