Xizmat ko‘rsatish sifatidan mijoz mamnunligi – bu muvaffaqiyatli biznes garovi hisoblanadi. Bugungi raqobat kuchayib borayotgan sharoitda mijozlar maksimal darajada ularning ehtiyojlariga javob beradigan sifatli xizmat ko‘rsatuvchi banklarni tanlamoqda.
Ma’lumki, “Trastbank” xususiy aksiyadorlik bankida tashqi marketing kompaniyasi tomonidan “Sirli mijoz” usuli yo‘lga qo‘yilgan.
Kuni kecha Bankning Amaliyot boshqarmasi va barcha filiallari xodimlari ishtirokida mijozlarga xizmat ko‘rsatish sifatini baholash yuzasidan o‘tkazilgan o‘rganish natijalari bo‘yicha eng yuqori ball olgan bank xodimlariga “Workup marketings” marketing agentligining esdalik sovg‘alari topshirildi.
O‘ylaymizki, Bank rahbariyatining moddiy va ma’naviy qo‘llab-quvvatlashi hamda marketing kompaniyasi tomonidan taqdim etilayotgan sovg‘alar xodimlarimizda yanada samarali mehnat ruhiyatini yaratadi.