Joriy yilning 14 yanvar kuni “Trastbank” xususiy aksiyadorlik banki Bosh ofisida “Islom moliyasi, bankchiligi va uning tamoyillari” mavzusida amaliy seminar bo‘lib o‘tdi.
Seminarda Bankning Bank xizmatlari iste’molchilari huquqini himoya qilish departamenti xodimlari, Toshkent shahrida joylashgan filiallarning bank xizmatlari iste’molchilari huquqini himoya qilish bo‘limi mutaxassislari, bankning resepshn va Call-markaz xodimlari ishtirok etdi.
Bankning islomiy moliyalashtirish uslublarini ishlab chiqish va joriy qilish bo‘yicha mutaxassisi Muhammadfayoz Ibodov ishtirokchilarga islom moliyasi tushunchasi, uning manbalari va islom bankchiligi mahsulotlari: murobaha, ijara, mudoraba, mushokara to‘g‘risidagi tushunchalar hamda islom moliyasini asosiy shar’iy qoidalari va ta’qiqlari haqida batafsil tushuncha berdi.
Mazkur seminarning qayta tashkil etilishidan ko‘zlangan maqsad, Trastbank tizimida “Islomiy darcha” xizmatining amaliyotga joriy etilishi bo‘yicha hozirgi kunda amalga oshirilayotgan ishlari yuzasidan bank mijozlari tomonidan kelib tushayotgan murojaatlarga batafsil ma’lumot taqdim etishdan iborat.
Vebinarning yakunlovchi qismi savol-javob tarzida tashkil etilib, unda mavzu bo‘yicha xodimlar bank mijozlari tomonidan kelib tushgan savollarga batafsil javob oldilar.