“Trastbank” xususiy aksiyadorlik bankining Qarshi filiali tadbirkorlarni qo‘llab-quvvatlayotgan moliyaviy tashkilotlardan biri hisoblanadi.
O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuni ijrosini ta’minlash maqsadida, 2020 yilning 5 fevral kuni “Trastbank” xususiy aksiyadorlik bankining Qarshi filialida Boshqaruv Raisi o‘rinbosari Kamil Gabbazov ishtirokida sayyor qabul tashkil etildi. Sayyor qabulda filial mijozlari, tadbirkorlar va ommaviy axborot vositalari vakillari ishtirok etdi.
Qabul jarayonida muammolar atroflicha o‘rganilib, tadbirkorlarning turli mavzulardagi murojaatlari muhokama qilindi.
Aytish o‘rinliki, sayyor qabulda ko‘rib chiqilgan murojaatlarning asosiy qismi kredit olish bilan bog‘liq bo‘lib, savol-javob tariqasida o‘tkazilgan sayyor uchrashuvda amaliy natijalarga erishildi
