Joriy yilning 25 sentabr kuni “Trastbank” xususiy aksiyadorlik banki aksiyadorlarining navbatdan tashqari umumiy yig‘ilishi bo‘lib o‘tdi. Yig‘ilishni Bank Kuzatuv Kengashi Raisi Tohir Sharipov olib bordi.
Yig‘ilishda o‘tgan yillarning taqsimlanmagan foydasi, “2020 yil 1 yarim yilligi yakunlari bo‘yicha olingan foyda”, “umumiy zahira fondini shakllantirish”, “Standart” deb tasniflangan kreditlar bo‘yicha ehtimoliy yo‘qotishlarni qoplash uchun zahiralarni shakllantirish, “Bank Boshqaruvi to‘g‘risida”gi,“Bank Kuzatuv kengashi to‘g‘risida”gi nizomlarga o‘zgartirish va qo‘shimchalar kiritish, “Bank Kuzatuv kengashi tarkibi”ni tasdiqlash hamda Raiffeisen Bank International AG bilan 30 000 000 Yevro miqdorida Bosh qarz kelishuvi tuzish to‘g‘risidagi masalalar muhokama qilindi.
Yig‘ilishda muhokama qilingan masalalar yuzasidan tushgan takliflar va fikr-mulohazalarni inobatga olib, tegishli qarorlar qabul qilindi.
