“Trastbank” xususiy aksiyadorlik bankida mijozlarga ko‘rsatilayotgan xizmat sifatining tasdiqlangan standartlari asosida “Sirli mijoz” metodida doimiy baholab borish tizimi yo‘lga qo‘yilgan.
Joriy yilning 15 sentabr kuni bankning barcha filiallari xodimlari uchun “Sirli mijoz” metodi orqali tashqi marketing kompaniyasi tomonidan mijozlarga xizmat ko‘rsatish sifatini baholash bo‘yicha o‘tkazilgan o‘rganish natijalari yuzasidan pandemiya sharoitini hisobga olgan holda Filiallar faoliyatini muvofiqlashtirish departamenti va O‘quv markazi ishtirokida masofaviy videokonferensiya tashkil etildi.
Videokonferensiyada Filiallar faoliyatini muvofiqlashtirish departamenti direktori Oybek Do‘smuhamedov filiallarning mutaxassislari tomonidan mijozlarga xizmat ko‘rsatish jarayonida yo‘l qo‘yilgan xato va kamchiliklar tahlili hamda xizmat ko‘rsatish shart-sharoitlarini yanada yaxshilash bo‘yicha tegishli ko‘rsatmalar berdi.
