Sizlarni yaqinlashib kelayotgan yasharish va yangilanish, eng ezgu va go‘zal qadriyatlarni o‘zida mujassam etgan, qalblarimizga bahoriy iliqlik bag‘ishlayotgan qut-baraka elchisi Navro‘zi olam bilan chin qalbimizdan muborakbod etamiz!
Navro‘z ayyomi bu - o‘zaro qadr-qimmat, hayru-sahovat, mehr-oqibat timsolidir. Ezgulik va sahovatga yo‘g‘rilgan uyg‘onish, yasharish ayyomi bu yil dillarimizni yana quvonchu-shodlikka chulg‘adi.
Mana shu go‘zal va tarovatli Navro‘z ayyomi arafasida xonadoningizdan mehr- oqibat, fayzu-baraka arimasin. Sizlarga sog‘lik-omonlik, oilalaringizga tinchlik-xotirjamlik, baxt-saodat tilaymiz. Tinch va osoyishta, to‘kin-sochin yurtimiz osmoni doimo musaffo, barcha qilingan ezgu tilaklar ijobat bo‘lsin. Sizlarga O‘zbekistonimizning yanada gullab-yashnashi yo‘lidagi bunyodkorlik faoliyatingizda ulkan zafarlar tilaymiz!