“Trastbank” xususiy aksiyadorlik banki Aksiyadoriga xabarnoma
Bank kapitalini ko‘paytirish hamda O‘zbekiston Respublikasi Prezidentining 2017 yil 12 sentabrdagi 3270-sonli “Respublika bank tizimini yanada rivojlantirish va barqarorligini oshirish chora-tadbirlari to‘g‘risida”gi qarori ijrosini ta’minlash maqsadida, 2019 yil 10 iyunda o‘tkazilgan bank aksiyadorlarining navbatdan tashqari umumiy yig‘ilishida, bank ustav kapitalini ko‘shimcha aksiyalar chiqarish hamda ularni joylashtirish hisobiga ko‘paytirish to‘g‘risida qaror qabul qilindi.
Bank Kengashi tomonidan qo‘shimcha 24 chiqariluvdagi har birining nominal qiymati 1 000 (bir ming) so‘m bo‘lgan jami 65 000 000 000 (oltmish besh milliard) so‘mlik 65 000 000 (oltmish besh million) dona egasining nomi yozilgan oddiy aksiyalarni chiqarish to‘g‘risida qaror qabul qilindi.
Qo‘shimcha chiqarilgan oddiy aksiyalarni sotib olish uchun imtiyozli xuquqqa ega bo‘lgan aksiyadorlarning ro‘yxati, Bank aksiyalarini chiqarish to‘g‘risidagi qaror qabul qilingan sana, 2019 yil 12 avgust holatiga shakllantirilgan Bank aksiyadorlari reestri ma’lumotlari asosida tuziladi.
Bank aksiyalarini sotib olish bo‘yicha xujjatlar, O‘zbekiston Respublikasining amaldagi qonunchiligida hamda aksiyalar chiqarilishi (qo‘shimcha) to‘g‘risidagi qarorda belgilangan tartibda, arizalar kelib tushishi davomida rasmiylashtirilib boriladi.